Papa ipeshkvijve të Evropës: flisni për Zotin, por me durim
Papa Françesku është shumë i interesuar për çështjen evropiane dhe i fton ipeshkvijtë
e kontinentit ta mbajnë gjallë diskutimin për Zotin, të flasin për Hyjin, sepse pa
iu referuar Atit të Gjithpushtetshëm, edhe ligjet e njerëzve ka rrezik të mos respektohen.
Kështu u tha ipeshkvijve, që bëjnë pjesë në presidencën e Komisionit të Episkopateve
të Bashkësisë Evropiane, të cilët i priti në Vatikan, gjatë audiencës të së mërkurës.
Papa i ftoi prelatët të kenë guxim e shpresë, por njëkohësisht, edhe shumë durim,
sepse detyra e tyre nuk është të joshin njerëzit, por t’i bindin. Ftesa e Papës argjentinas
për Kishat e Evropës ishte pra të hyjnë në dialog me njerëzit, t’u flasin për Zotin,
për problemet e mëdha të kohës, por të kenë durimin e nevojshëm për ta ndjekur secilin
derisa të bindet.