Хрысціяне пакліканы
распаўсюджваюць соль веры, надзеі і любові, лічыць папа Францішак. 23 мая, падчас
ранішняй св. Імшы, Пантыфік заклікаў вернікаў не быць “прэснымі” або “музейнымі” хрысціянамі,
а дзякуючы “солі” веры надаваць сапраўдны “смак” уласнаму жыццю і жыццю іншых. “Соль,
якую нам даў Пан – гэта соль веры, надзеі і любові”, адзначыў Папа і дадаў, што Езус
заклікаў хрысціян клапаціцца, каб “яна не стала прэснай, не згубіла сваёй сілы”. Паводле
Святога Айца, соллю, якую вернікі атрымалі ад Бога, трэба дзяліцца, бо калі яна проста
“ляжыць у салонцы” – не выконвае ніякай функцыі. Францішак падкрэсліў, што хрысціянства
не мае нічога супольнага з аднастайнасцю. Паводле яго, трэба прымаць кожнага чалавека
такім, які ён ёсць – з яго асаблівасцямі, асабістымі характарыстыкамі, культурай,
“таму што гэта багацце”. Але, дзелячыся верай, мы надаём людзям побач з намі “смак”.
У гэтым заключаецца арыгінальнасць хрысціянства – не ствараць аднастайнасці, “калі
ўсе пасолены аднолькава”, але прымаць кожнага такім, які ён ёсць, “з тымі дарамі,
якія Пан яму даў”.