Папа зацвердзіў кардынала Валіні сваім вікарыем для Рымскай дыяцэзіі
Святы Айцец зацвердзіў
кардынала Агасціна Валіні на пасадзе Папскага вікарыя для Рымскай дыяцэзіі. Іерарх
выконваў гэту функцыю з 27 чэрвеня 2008 г., калі быў прызначаны Бэнэдыктам XVI, але
новаабраны Пантыфік, як Біскуп Рыма, павінен быў пацвердзіць яго паўнамоцтвы. У сваім
лісце да іерарха папа Францішак адзначыў, што давярае яму духоўную апеку над Вечным
горадам, і выказаў надзею, што дзякуючы Божай ласцы, мясцовы Касцёл будзе квітнець.
Святы Айцец скіраваў сваё апостальскае благаслаўленне кардыналу Валіні і ўсім вернікам
Рымскай дыяцэзіі.