Папа Францішак сустрэўся
23 мая з Прэзідэнтам Сальвадора Карласам Маўрысіа Фунэсам. Пасля размовы з Пантыфікам
палітыка прыняў кардынал Дзяржсакратар Тарчызіо Бэртонэ. Падчас сардэчных перамоў
было выказана задавальненне добрым станам адносін паміж Святым Пасадам і Сальвадорам.
Гутарка ішла пра арцыбіскупа Сан-Сальвадора Оскара Рамэра, забітага баевікамі ў 1980
г. падчас св. Імшы, і пра яго змаганне за згоду і грамадзянскі мір у краіне.
Падчас
сустрэч была дадзена высокая ацэнка дзейнасці Каталіцкага Касцёла для паяднання і
ўмацавання міра ў Сальвадоры і яго ўкладу ў дабрачынную дзейнасць, адукацыю, выкараненне
арганізаванай злачыннасці і беднасці. Закраналіся некаторыя этычныя пытанні, сярод
якіх ахова чалавечага жыцця, сужэнства і сям’і.