Ֆրանչիսկոս Սրբազան Քահանայապետի Գործունէութիւնը: Նորին Սրբութիւնը Կ՛ընդունի Սիկիլիայի Եպիսկոպոսական Համահաւաք Դասի Անդամները։

Երկուշաբթի 20 մայիս 2013-ի առաւօտեան ժամը 11-ին ֆրանչիսկոս Սրբազան Քահանայապետը ունկնդրութիւն շնորհեց Սիկիլիոյ եպիսկոպոսական համահաւաք դասի անդամներոու առաջին խումբի մը կազմուած 10 եպիսկոպոսներէ որոնք հռոմ ժամանած են իրենց հնգամեայ կանոնական այցելութիւնը կատարելու Սուրբ Պետրոսի յաջորդին։ Նորին Սրբութիւնը ապա ժամը 12,15 ընդունեց ''Գոր Ունում - մէկ սիրտ'' քահանայապետական բարեսիրական խորհուրդի նախագահը Կարտինալ Րոպերդ Սարան, մինչ յետմիջօրէի ժամը 17,30-ին Տոմուս Սանգդա Մարդայի մէջ ընդուեց Սիկիլիյաի եպիսկոպոսական համահաւաք դասի անդամներու երկրորդ խումբը բաղկացած 8 եպիսկոպոսներէ։ Յայտնենք թէ Սիկիլիոյ նահանգը ունի 25,711 քմ քառակուսի տարածք եւ 5 միլիոն բնակչութիւն։ Սիկիլեան իտալական կղզիներու ամենամեծն է։ Սիկիլիոյ եպիսկոպոսական համահաւաք դասի նախագահն է Բալէրմոյի Արքեպիսկոպոս եւ Սիկիլիոյ առաջնորդ Կարտինալ Բաոլօ Րոմէրոն։ Սիկիլիան ունի 18 թեմ եւ 1.732 ժողովրդապետութիւններ ուր իրենց ծառայութիւնը կը մատուցեն 3083 քահանաներ եւ 303 մնայուն սարկաւագներ։