18 мая, пасля аўдыенцыі
ў Святога Айца канцлер Германіі Ангела Меркель, падзялілася сваімі ўражаннямі ад сустрэчы.
У інтэрв’ю Ватыканскаму радыё яна расказала, што “прыняла гэту падзею з вялікай радасцю”,
а таксама ў якасці “гонара для Германіі”. “Мы размаўлялі пра глабалізацыю і Еўрапейскі
Саюз, пра ролю Еўропы ў свеце; я чарговы раз падкрэсліла, што з майго пункту гледжання,
вельмі важна клапаціцца і ўмацоўваць фундаменты нашага грамадства. Відавочна, што
палітыка сама не можа стварыць фундамента на якім будзе жыць грамадства”, - падкрэсліла
яна. У гэтым кантэксце Меркель адзначыла “галоўную ролю Каталіцкага Касцёла”. Яна
нагадала словы папы Францішка аб тым, што свет патрабуе моцнай і справядлівай Еўропы.
“У гэтым кантэксце, размова стала для мяне натхняючай”, - прызналася палітык.
Ангела
Меркель звярнула ўвага на працягласць, якая існуе паміж пантыфікатамі Бэнэдыкта XVI
і Францішка. “Я бачу працягласць у місіянерскім аспекце, ва ўсведамленні важнасці
хрысціянства для нашых хрысціянскіх каранёў. Я думаю, што папа Францішак, сваімі простымі
і кранаючымі словамі, дасягне людзей і пастаянна будзе нагадваць, што Касцёл не павінен
быць закрытым, але павінен ісці да людзей, заклікаць іх адкрыцца на хрысціянства.
Таксама і сёння я чула гэта пасланне”, - адзначыла Ангела Меркель.
Канцлер
Германіі падкрэсліла, што яшчэ на пачатку пантыфіката папы Францішка, яна запрасіла
яго наведаць Германію, памятуючы, што ён ўжо быў у гэтай краіне да абрання на Пасад
св. Пятра.