Սուրբ Պետրոսի Հրապարակի Վրայ Հոգեգալստեան Տօնին Առթիւ Աղօթքի Հսկում ։
Վատիկանի Ծիսական արարողութիւններու գրասենեակը կը յաղորդէ թէ յառաջիկայ 19 մայիսի նշուելիք
Հոգեգալուստի տօնին առթիւ ֆրանչիսկոս Սրբազան Քահանայապետը շաբաթ 18 մարտի երեկոյեան
ժամը 6-ին, պիտի գլխաւորէ աղօթքի հսկում մը Սուրբ Պետրոսի հրապարակի վրայ, մասնակցութեամբ`
աշխարհականներու ընկերակցութեանց, նոր հասարակութիւններու եւ շարժումներու անդամներուն
որոնք Հռոմ կը գտնուին հաւատոյ տարուայ առթիւ նշելու իրենց համար նուիրուած օր մը։ Նորին
Սրբութիւնը ապա կիրակի 19 մայիսի առաւօտեան ժամը 10,30-ին Սուրբ Պետրոսի հրապարակի վրայ
պիտի գլխաւորէ Պենտէկոստէի Հանդիսաւոր Սուրբ Պատարագը տասնեակ հազարաւոր ուխտաւորներու
եւ հաւատացեալներու ներկայութեամբ։