Մեծի Տանն Կիլիկիոյ Կաթողիկոսութիւնը Կը Մասնակցի Արաբական Ծոցի Շրջանի ՄԻՋ-ԵԿԵՂԵՑԱԿԱՆ
Խորհուրդին։
Ապու Տապիի մէջ տեղի ունեցաւ Ծոցի շրջանի եկեղեցիներու ներկայացուցիչներու մասնակցութեամμ
կարեւոր հանդիպում մը: Կը մասնակցէին Ապու Տապիի, Տուպայի, Քաթարի, Շարժայի, Քուէյթի, Պահրէյնի
եւ այլ շրջաններու մէջ հաստատուած քրիստոնեայ համայնքներու ներկայացուցիչները: Յանուն
Մեծի Տանն Կիլիկիոյ Կաթողիկոսութեան ժողովին մասնակցեցաւ Քաթարի եւ Էմիրութեանց շրջանի
Կաթողիկոսական Փոխանորդ Հոգշ. Տ. Մեսրոպ վրդ. Սարգիսեան: Հանդիպումին նպատակն էր միջ-եկեղեցական
գործակցութեան խորհուրդ մը յառաջացնել շրջանէն ներս: Յիշեալ հանդիպումէն օր մը առաջ,
Արամ Ա. Կաթողիկոսին, որպէս նախագաներէն մէկը Միջին Արեւելքի Եկեղեցիներու Խորհուրդին, այցելեց
նոյն Խորհուրդի ընդհ. Քարտուղար Դոկտ. Միշէլ Ճալըխ: Ան եկած էր Վեհափառ Հայրապետին
տեսակէտը ունենալու իր ներկայութեամμ Ապու Տապիի մէջ տեղի ունենալիք միջ-եկեղեցական
հանդիպումին գծով: Վեհափառ Հայրապետը շնորհաւորեց յիշեալ նախաձեռնութիւնը, շեշտելով
միջ- եկեղեցական գործակցութիւնը ամրապնդելու ու անոր շօշափելի արտայայտութիւն տալու
հրամայականը: Միաժամանակ Վեհափառ Հայրապետը թելադրեց ընդհ. Քարտուղարին զգուշացնելու
շրջանի եկեղեցական ներկայացուցիչները հետեւեալ երեւոյթներէն.- 1) Անհրաժեշտ է պահել
Միջին Արեւելքի Եկեղեցիներու Խորհուրդին միութիւնն ու ամμողջութիւնը, որպէս Միջին
Արեւելքէն ներս քրիստոնէութեան ներկայութիւնը ու ձայնը արտայայտող միակ կառոյց: 2)
Ծոցի շրջանէն ներս յառաջանալիք խորհուրդը պէտք չէ վերածուի ինքնանկախ միաւորի իր առանձին ծրագիրներով
ու գործունէութեամμ. ան պէտք է դառնայ համարատու Միջին Արեւելքի Եկեղեցիներու Խորհուրդին:
3) Նկատի ունենալով շրջանէն ներս տիրող զգայնութիւնը, քաղաքական թէ կրօնական իմաստով,
յիշեալ խորհուրդը պէտք է զգոյշ ըլլայ իր գործունէութեան մէջ: Յայտնենք, որ շուրջ
տարի մը առաջ Ապու Տապիի միջ-եկեղեցական հաւաքին մասնակիցները այցելցած էին Անթիլիասի
Մայրավանքը ունենալու համար Վեհափառ Հայրապետին տեսակէտը իրենց նախաձեռնութեան նկատմամբ: