Հայաստան Ստանձնեց Եւրոպական Խորհուրդի Նախարարներու Կոմիտէի Նախագահութիւնը
16 մայիսին Սթրազպուրկի մէջ տեղի ունեցաւ Եւրոպական խորհուրդի անդամ երկիրներու արտաքին
գործոց նախարարներուն 123-րդ նիստը, որուն կը մասնակցէին Եւրոպական խորհուրդի 47 անդամ
երկիրներու բարձրաստիճան պատուիրակութիւնները: Նիստին ընթացքին Հայաստանի արտաքին
գործոց նախարար Էդուարդ Նալբանդեան ստանձնեց Եւրոպական խորհուրդի նախարարներու կոմիտէի
նախագահութիւնը եւ ելոյթ ունեցաւ Հայաստանի նախագահութեան առաջնահերթութիւններուն վերաբերեալ: Եւրոպական
խորհուրդի անդամ երկիրներու պատուիրակութիւններու ղեկավարները իրենց ելոյթներուն մէջ
շնորհաւորելով Հայաստանը կազմակերպութեան նախագահութիւնը ստանձնելու առիթով` վստահեցուցին,
որ ամէն աջակցութիւն պիտի ցուցաբերեն հայկական նախագահութեան նախաձեռնութիւններու իրականացման: