Հայաստան Հասաւ «Եւրատեսիլ»-ի Աւարտական Փուլին
Երէկ երեկոյեան շուէտական Մալմիօ քաղաքին մէջ տեղի ունեցաւ «Եւրատեսիլ-2013»-ի երկրորդ
կիսաւարտականը: Այս տարի սոյն երգի մրցումին Հայաստանը ներկայացնող «Տորիանզ» ռոք խումբը
կատարեց «Լոնլի փլանեթ» երգը եւ մրցումի երկրորդ կիսաւարտականին մասնակցող 17 երկիրներու
շարքին գրաւելով 7-րդ դիրքը, կարելիութիւնը ստացաւ մասնակցելու 18 մայիսին տեղի ունենալիք
«Եւրատեսիլ»-ի աւարտական հանգրուանին: Հայաստանէն զատ աւարտական հանգրուան հասան Հունգարիան,
Ազրպէյճանը, Վրաստանը, Ռումանիան, Նորվեկիան, Իսլանտան, Ֆինլանտան, Մալթան եւ Յունաստանը:
| All the contents on this site are copyrighted ©. |