Кардынал Равазі пра атмасферу накала падчас “Падворка язычнікаў” у Мексіцы
Некалікі дзён таму
ў Мексіцы адбыўся першы пазаеўрапейскі “Падворак язычнікаў”. Некалькі сустрэч паміж
вернікамі і няверуючымі прайшлі ў краіне з выключнай грамадска-рэлігійнай сітуацыяй.
87% яе жыхароў – католікі, пры гэтым, тут назіраюцца беспрэцэдэнтныя антыклерыкальныя
тэндэнцыі. Кардынал Джанфранка Равазі, старшыня Папскай рады па культуры, які асабіста
прымаў удзел у мексіканскіх сустрэчах, адзначыў вялікі рэзанансЮ з якім сустрэлі ватыканскую
ініцыятыву ў лацінаамерыканскай краіне. “Гэта, магчыма, стала галоўным сюрпрызам маёй
паездкі: спосаб прыняцця, адзначаны цікавасцю і нечаканай цеплынёй”, - прызнаўся іерарх
у інтэрв’ю Ватыканскаму радыё. Ён адзначыў, што сустрэў краіну з моцнымі каталіцкімі
каранямі, але пазначаную “структурным лаіцызмам” перш за ўсё на ўзроўні палітыкі і
грамадскіх адносін.
Ватыканскі іерарх падкрэсліў атмасферу накала, у якой
часта праходзіла дыскусія паміж хрысціянамі і няверуючымі. У некаторых выпадках палеміка,
па словах кардынала Равазі, была “надзвычай жорсткай, нават занадта жорсткай”. Ён
сам ініцыяваў некалькі вострых тэм, у тым ліку пра існуючую ў Мексіцы змову паміж
мафіяй і псеўда-рэлігійнасцю. Паводле іерарха, ён хацеў паказаць адрозненні паміж
сапраўднай верай, фундаментам якой з’яўляецца вера ў жыццё і ў Бога жывога, Які ёсць
пачаткам стварэння, і яе дакладным антыподам, прыкрытым плашчом рэлігіі.
Старшыня
Папскай рады па культуры падчас свайго прабывання ў Мексіцы ўзяў удзел у двух круглых
сталах, прысвечаных тэме “лаіцызма і трансцэндэнтнасці”, з вядомымі мексіканскімі
ўніверсітэцкімі выкладчыкамі, якія лічаць сябе няверуючымі. Іерарх сустрэўся таксама
з групай няверуючых інтэлектуалаў з Нацыянальнага аўтаномнага універсітэта Мексікі,
які яшчэ 3 гады таму насіў тытул папскага, але Святы Пасад быў вымушаны адклікаць
яго з-за радыкальнай лаіцкасці сталічнай навучальнай установы.