Իտալիոյ Եպիսկոպոսական Համահաւաք Դասի Կանոնական Այցելութիւնները Սուրբ Պետրոսի Յաջորդին

Անցեալ 14 յունուար 2013-ի սկիզբ առած` Իտալիոյ եպիսկոպոսներու -Ad Limina - հնգամեայ կանոնական այցելութիւնները Ս Պետրոսի յաջորդին կը շարունակուին եւ երկուշաբթի 13 մայիսին Իտալիոյ Բուլիա Եկեղեցական Նահանգի եպիսկոպոսները Հռոմ ժամանեցին պաշտօնական հնգամեայ կանոնական այցելութիւն կատարելու ֆրանչիսկոս Սրբազան Քահանայապետին։
Բուլիա Նահանգը ունի 19,358 քմ տարածք, բնակչութեան թիւը 4,050.817 է։ Եպիսկոպոսաց Համահաւաք Դասի նախագահն է գերապայծառ ֆրանչեսքօ Գարտուզզի՝ Պարի Քաղաքի Մետրոպոլիտը։ Նահանգը ունի 19 թեմեր ուր կը գործեն 1,070 ժողովրդապետութիւններ։ Իրենց ծառայութիւնը կը մատուցեն 2515 կուսակրօն քահանաներ եւ 263 մնայուն սարկաւագներ։ Յայտնենք որ Պենետիկտոս ԺԶ վաստակաւոր Քահանայաետը,Բուլիա նահանգը այցելած էր երկու անգամ. առաջինը՝ 2005-ի մայիս 29-ին Պարիի մէջ կայացած Սուրբ Հաղորդութեան Ազգային Գիտաժողովի առթիւ իսկ երկրորդը՝ 2009-ի յունիս 21-ին Սան Ճովաննի Րոդոնտոն կատարած այցելութեան առիթով։