Në Bushat promovohen 10 vëllime kushtuar priftit poet dom Nde Mjedja
Të shtunën më 11 maj në komunën Bushat të rrethit Shkodrës, u bë promovimi i 10 vëllimeve
kushtuar dom Ndré Mjedjes, përgatitur nga studiuesi Mentor Quku. Në aktivitet organizuar
në nder të poetit të madh të letrave shqipe, dom Ndré Mjedja, mori pjesë Kryetarja
e Parlamentit të Shqipërisë, Jozefina Topalli, ministri i kulturës, poeti Visar Zhiti
Aktiviteti dhe studiuese e personalitete tjera. Manifestimi kulturor organizohej në
kuadër të 100 vjetorit të Kishës së Kukëlit, nga Qendra Muzeore “Ndré Mjedja”. Kryetarja
e Parlamentit të Shqipërisë, Topalli, duke vlerësuar figurën e poetit dom Ndré Mjedja,
tha se “Kisha e dom Ndré Mjedjës është Kishë që me muret e gurët e saj tek secili
prej nesh sjell veprën, idealizmin besimin, patriotizmin e Ndré Mjedjës”. Më tej në
fjalën e saj zonja Topalli bëri të ditur se në hyrje të Kuvendit të Shqipërisë ka
vendosur një foto të madhe, ku përveç atyre burrave që ishin zgjedhur deputetë në
1921, është edhe elita shqiptare. “Gjëja më e bukur që mua më pëlqen është se aty
është një myfti, është edhe Mjedja, është edhe Padër Gjegj Fishta”, pohoi Kryetarja
e Parlamentit të Shqipërisë, Topalli. Ndërsa ministri Zhiti, duke folur mbi rëndësinë
që mbart kjo figurë e letrave shqipe, deklaroi se brenda javës, tryeza ku poeti Ndré
Mjedja ka shkruar veprat e mëdha të tij, do të jetë në Kukël