Mesazh i Papës për “Mariatonën” botërore të Radio Marisë
Mesazh audio i Papës Françesku për Nismën e “Mariatonës” së parë botërore të Radio
Marisë. Mesazhi u drejtohet emitenteve, që ritransmetojnë programin e Radio Vatikanit
në gjuhën spanjolle. “Mariatona” parashikon lidhjen ndërmjet 65 emitenteve të Radio
Marisë në të pesë kontinentet: disa çaste lutjeje për mbështetjen shpirtërore e materiale
të tyre. Motoja e nismës: “Ta ndihmojmë Zojën të na ndihmojë!” Ja, mesazhi i Papës: “Të
dashur vëllezër, bij të dashur, sidomos të sëmurë, të burgosur, të moshuar, të braktisur,
të varfër, të keqtrajtuar dhe të pastrehë. Në shumë periferi të jetës dëgjohet Zëri
i Ipeshkvit të Romës, përmes Radio Vatikanit, Radios së Papës. Të gjithëve dëshiroj
t’ju afrohem me zemër e t’ju përkëdhel me dashurinë e shpresën, që na dhuron Jezusi
i ngjallur. Në këtë rast, bekoj veçanërisht Mariatonën e familjes botërore të Radio
Marisë. Inkurajoj të gjithë njerëzit vullnetmirë të këtyre 65 vendeve të botës në
pesë kontinente, që marrin pjesë në këto ditë misioni”.