“Гэта блюзнерскі культ,
а не рэлігія”, - так кардынал Джанфранка Равазі выказаўся адносна культу “Санта Муэртэ”
(Святая Смерць), шырока распаўсюджанага ў Мексіцы, палягаючага на пашане да аднайменнага
бажаства, якое персаніфікуе смерць. Яго прапагандаванне часта звязваюць з крымінальнымі
коламі гандляроў наркотыкамі. Выступаючы ў Мехіка пасля сутрэч ў рамках ініцыятывы
“Падворак язычнікаў”, якія праходзілі тут 8-9 мая, пурпурат назваў падобныя практыкі
“антырэлігійнымі”. “Рэлігія цэлебруе жыццё, а тут ёсць толькі смерць. Не дастаткова
надаць рэлігійную форму, каб нешта стала рэлігіяй. Гэта – блюзнерства”, - сцвердзіў
старшыня Папскай рады па культуры.
Кардынал скіраваў ясны сігнал перш за ўсё
да моладзі краіны, дзе толькі за апошнія 6 гадоў 70 тыс. чалавек сталі ахвярамі наркатрафіку;
“мафія, гандаль наркотыкамі і арганізаваная злачыннасць не маюць рэлігійных аспектаў,
не маюць нічога супольнага з рэлігіяй, нават калі выкарыстоўваюць выяву Святой Смерці”,
- падкрэсліў ватыканскі іерарх.
Прыхільнікі “Санта Муэртэ” лічаць, што малітвы,
звернутыя да Смерці здольная выконваць жаданні. З гэтай мэтай узводзяцца капліцы,
статуі бажаства і здзяйсняюцца ахвярапрынашэнні, а найбольш фанатычныя прадстаўнікі
культу часам нават здзяйсняюць рытуальныя забойствы ў гонар “Санта Муэртэ”. Мексіканскія
ўлады ў апошнія гады выступаюць рэзка супраць распаўсюджанню культу смерці.