Papa Françesku kremtoi sot Meshën për ngritjen në nderimet e elterit të shumë shenjtorëve
të rinj. Në Sheshin e Shën Pjetrit ne Vatikan, mbushur plot e përplot, siç është bërë
tashmë zakon sa herë ka një takim me Atin e Shenjtë, Papa Bergolio falenderoi Zotin
për shenjtorët Antonio Primaldo e shokët, martirë të Otrantos, martirë të persekutimit
otoman; Laura e Shën Katerinës së Sienës Montoja i Upegui, virgjër, rregulltare kolumbiane,
themeluese e Kongregatës së motrave misionare të Zojës së Papërlyer e të Shën Katerinës
së Sienës; Maria Guadalupe Garsia Zavala, rregulltare meksikane, bashkëthemeluese
e Kongregatës së Shërbëtoreve të Shën Margeritës Maria dhe të të Varfërve, shkruar
nga Papa Benedikti XVI në librin e shenjtorëve që në Koncistorin e 11 shkurtit 2013.
Kujtojmë se Antonio Primaldo e shokët njihen si 800 martirët e Otrantos, vrarë
më 14 gusht 1480 nga turqit e Xhedik Ahmet Pashës, pasi kundërshtuan të ktheheshin
në fenë islamike.