Arbëreshët e Kalabrisë kremtojnë 100 vjetorin e pavarësisë së Shqipërisë
Në emër të imzot Donato Oliverio, ipeshkëv arbëresh i eparkisë së Ungros, famullitari
i bashkësisë kishtare arbëreshe në Frasnitë të Kalabrisë, papas Antonio Bellushi,
organizon një Simpozium kulturor kushtuar 100-vjetorit të pavarësisë së Shqipërisë
(1912-2012). Ky simpozium që mbahet më 11 maj, do të vë në dukje lidhjet shpirtërore,
kulturore e politike të arbëreshëve me Atdheun e të parëve, si shprehje e mbajtjes
gjallë të identitetit përmes gjuhës amtare, traditave, dokeve e kulturës së kultivuar
si dhe përmes të dhënave gojore që u transmetuar prej prindërve tek bijtë e bijat
arbëreshe gjatë shekujsh që nga epoka e Gjergj Kastriotit Skënderbe e deri në ditët
tona. Mbi këtë simpozium e lidhjen e përjetshme të arbëreshëve me Atdheun, në mikrofonin
e Radio Vatikanit flet nismëtari i këtij manifestimi kulturor prifti papas Antonio
Bellusci, ta dëgjojmë........