Ватыканская газета пра лёс сучаснага мастацтва ў нацысцкай Германіі
У чарговую гадавіну
перамогі над нацыскай Германіяй ватыканская газета нагадавае, пра тое, што дзякуючы
гэтай падзеі былі выратаваны не толькі міліёны людзей, але і значаная частка культурнай
спадчыны чалавецтва. На старонках “L’Osservatore Romano” прыводзіцца меркаванне былога
амерыканскага дыпламата Фрэдэрыка Спота, паводле якога, Гітлер хацеў падпарадкаваць
сваім уласным густам свет мастацтва і асабіста вырашаць, якія творы павінны існаваць,
а якія не. Адной з задумаў фюрэра было стварэнне вялізарнага музея “нямецкага духа”,
які б размясціўся на тэрыторыі сучаснай Аўстрыі, у горадзе Лінц. Каб напоўніць яго
экспазіцыю, нацысты займаліся канфіскацыяй мастацкіх твораў у краінах, якія захоплівалі.
Але
у сферу іх інтарэсаў траплялі не ўсе шэдэўры. Паводле Гітлера, у нямецкіх музеях не
павінна было застацца твораў сучаснага мастацтва. Яго дыктатар лічыў неадпаведным
эстэтычным канонам і спрыяючым дэгенерацыі краіны. Яшчэ ў 1937 г. ён даверыў нямецкаму
мастаку Адольфу Цыглеру экспрапрыіраваць сучасныя мастацкія творы з музеяў Германіі.
Некаторыя з іх былі прададзены за мяжу, а значная частка спалена ў сакавіку 1939 г.
у дворыку цэнтральнага аддзялення пажарнай службы Берліна. Згодна з падлікамі спецыялістаў
на працягу гадоў існавання нацысцкага рэжыма чалавецтва згубіла каля 5 тыс. твораў
сучаснага мастацтва.