Մարի Քրիստին Մօտ Ապագային Մէջ Պիտի Արժանանայ Խորաններու Պատւոյն
ֆրանչիսկոս Քահանայապետը անցեալ 3 մայիսին ընդունելով սուրբերու դատի նախագահ կարտինալ
Ամաթոյի մէկ խնդրագիրը ճանչցած ու վաւերացուցած է Իտալիոյ երկու Սիկիլեաներու թագուհի`
Մարի Քրիստինի կատարած մէկ հրաշքը։ Այդ հրաշքի ճանաչումով Մարի Քրիստին մօտ ապագային
մէջ պիտի արժանանայ խորաններու պատւոյն։ Իտալիոյ Սավուայի Մարի Քրիստին թագուհին, Գալիարի ծնած էր եւ դուստրն է Վիքթոր էմմանուէլ արքային։ 1832ին պսակուած էր Պորպոններու գերդաստանէն ֆերտինան Բ.ի հետ` արքան երկու Սիկիլեաներու։ Մարի Քրիստին շատ բարեպաշտ էր ու պայքար մղած մահապատիժի դէմ։ Ան վախճանեցաւ մինչ ծնունդ կու տար անոր միակ զաւակ ֆրանսուային։ 1859-ին Վատիկանը զինք ճանչցած էր որպէս ''Աստուծոյ աղախին''։ Նշենք որ ՜՜Սավուա՝՝ թագաւորական գերդաստանը արդէն իր շարքերուն մէջ ունի երկու երանելիներ եւ երկու ''Աստուծոյ ծառաներ''։
| All the contents on this site are copyrighted ©. |