Кардынал Шонборн: Францішку патрэбны малітвы Папы на пенсіі
“У кіраванні паўсюдным
Касцёлам папе Францішку неабходна малітоўная падтрымка, якую дае яму Папа на пенсіі
Бэнэдыкт ХVI”, - лічыць арцыбіскуп Венскі кардынал Крыстаф Шонборн. Паводле іерарха
перад Францішкам стаяць вялікія выклікі. “Як добра, што зараз ён мае падтрымку ў асобе
свайго папярэдніка, а два Папы гэта зусім не так аж многа”, - сказаў іерарх у інтэрв’ю
выданню “Heute”. У сувязі з гэтым ён нагадаў пра два важныя моманты: сяброўскі візіт
Францішка, які ён нанёс Папе на пенсіі ў Кастэль Гандольфа летняй рэзідэнцыі рымскіх
Пантыфікаў, падчас якога новы Папа сказаў: “Мы браты”, і словы Бэнэдыкта ХVI аб тым,
што да канца свайго жыцця ён будзе перш за ўсё аддавацца малітве. “Я ўпэўнены, што
Папа на пенсіі ўжо гэта робіць і зараз, у цішыні ватыканскіх садоў ён робіць тое,
што ў дадзены момант з’яўляецца найбольш важным: менавіта, малітоўна падтрымлівае
свайго пераемніка, Касцёл і свет”, - сказаў былы вучань Папы на пенсіі, кардынал Крыстаф
Шонборн.