4 мая ў бразільскім
горадзе Баэпендзі да хвалы алтароў будзе вынесена Франціска дэ Паўла дэ Езус, нявольніца,
якая жыла ў ХІХ ст.. Беатыфікацыйную св. Імшу ўзначаліць кардынал Анджэла Амата,
прэфект Кангрэгацыі па справах Кананізацыі. Жыццё новай благаслаўлёнай было шляхам
да свабоды. Яна была поўнасцю непісменнай, аднак ад маці навучылася аднаму: маліцца
Ружанцам, любіць Езуса і мець любоў да ўсіх. Гэтаму яна была верная на працягу ўсяго
свайго жыцця. Калі Франціска дэ Паўла дэ Езус вызвалілася з рабства арганізавала
штодзённа малітоўныя сустрэчы ў сваім бедным доме. Неўзабаве ён становіцца месцам
паломніцтва для бедных і багатых, якія прыбывалі з усіх канцоў Бразіліі ў пошуках
духоўнага суцяшэння. Яна заўсёды трымала ў сваіх руках Ружанец і чым больш спалучалася
з Богам, ўсё больш адкрывала свабоду.
Родны брат пакінуў ёй ў спадчыну вялікае
багацце. Аднак Франціска дэ Паўла дэ Езус раздала яго бедным. Адзінае, што захавала
для сябе, гэта сума грошай на пабудаву капліцу ў гонар Беззаганнага Зачацця Панны
Марыі, у якой і была пахавана ў 1885 г. Да гэтай святыні нават сёння прыбываюць
многія, каб знайсці сапраўдную свабоду духу, дзякуючы прыкладу і заступніцтву рабіні
Франціска дэ Паўла дэ Езус.