«Օգնիր Եղբօրդ» Նախաձեռնութիւնը Կը Շարունակէ Աջակցիլ Սուրիահայերուն
«Օգնիր եղբօրդ» նախաձեռնութիւնը կը շարունակէ նիւթական եւ բարոյական աջակցութիւն ցուցաբերել
Հայաստանի եւ Արցախի մէջ բնակութիւն հաստատած սուրիահայերուն: «Օգնիր եղբօրդ» նախաձեռնող
խումբին տրամադրած տուեալներուն համաձայն, Լեռնային Ղարաբաղի Հանրապետութեան Քաշաթաղի
շրջանին մէջ արդէն հաստատուած 35 սուրիահայ ընտանիքներուն բնակարանային հարցերը հոգալու
եւ բնակարանաշինական ծրագիրը ամբողջացնելու նպատակով այս շաբաթ 4 միլիոն դրամի փոխանցում
կատարուած է «Քաշաթաղ» հիմնադրամին: Յիշեցնենք, որ 2012ի Հոկտեմբերին այդ նպատակով 5
միլիոն դրամի փոխանցում կատարուած էր, նաեւ 4 միլիոն դրամ՝ 5 Մարտ 2013ին: Նախաձեռնութիւնը
կը շարունակէ նաեւ պարէնային օգնութիւն տրամադրել Հայաստանի եւ Արցախի մէջ հաստատուած
կարիքաւոր սուրիահայ ընտանիքներուն: Այս օրերուն նախաձեռնութեան կողմէ Արցախ հաստատուած
սուրիահայ ընտանիքներուն տրամադրուած է շուրջ 50 պարէնային ծանրոց: «Օգնիր եղբօրդ»
նախաձեռնող խումբը երախտագիտութիւն յայտնած է այն բոլոր անհատներուն, գործարարներուն,
քաղաքական եւ բարեսիրական կազմակերպութիւններուն, որոնք կը շարունակեն իրենց շատ կարեւոր
ներդրումը՝ աջակցելով սուրիահայ հայորդիներուն։