Պենետիկտոս ԺԶ Վաստակաւոր Քահանայապետը Վերադարձաւ Վատիկան

Հինգշաբթի 2 մայիս 2013-ի յետ միջօրէին, Պենետիկտոս ԺԶ վաստակաւոր Քահանայապետը, երկու ամիս ապրելէ ետք Գասթել Կանտոլֆոյի քահանայապետական ամարանոցին մէջ, ինքնաթիռով վերադարձաւ Վատիկան, ուր ժամանեց 16,45-ին եւ ուր զինք դիմաւորեցին Կարտինալական Դասի գահերեցը Կարտինալ Անճէլօ Սոտանոն, Վատիկանի Պետական Քարտուղարը Կարտինալ Թարչիզիօ Պերթոնէն, Վատիկանի Պետութեան կառավարիչը Կարտինալ Ճուզեփփէ Պերդելլոն ու անոր տեղապահը` գերապայծառ Անճէլօ Պէչչու, դիմաւորող պատուիրակութեան մաս կը կազմէին նաեւ Վատիկանի արտգործ նախարար գերապայծառ Մապերթի եւ Վատիկանի Պետութեան ընդհանուր քարտուղար` գերապածառ Ճուզեփփէ Շաքքա։
Պենետիկտոս ԺԶ ապա ինքնաշարժով հասաւ ''Մադեր Էգգլէզիա'' մենաստան ուր զինք կը սպասէր ֆրանչիսկոս Սրբազան Հայրը որ եղբայրական սիրալիր հոգիով դիմաւորեց Պենետիկտոս ԺԶ ու միասնաբար ուղղուեցան Մենաստանի մատուռը ուր ամփոփուեցան։

Յայտնենք որ Պենետիկտս ԺԶ Գասթել Կանտոլֆոյի ամարանոց փոխադրուած էր անցեալ 28 փետրուարին իր քահանայապետութեան շրջանի վերջին օրը։ Ան ահա վերադարձաւ Վատիկան նուիրուելու, ինչպէս Իք յայտնած էր անցեալ 11 փտրուար 2013-ին, եկեղեցւոյ ծառայութեան` աղօթքի միջոցաւ։