Papa Françesku lidhet përmes telekamerës me Varrin e Varfanjakut të Asizit.
“O Françesku i Asizit, ndërmjetëso për paqen në zemrat tona!”. Kjo është lutja e Papës
Françesku, botuar përmes tabletit, në kanalin “sanfrancesco.org”, në faqen që tregon
kamerën (webcam), ndezur 24 orë mbi 24 mbi varrin e Shën Françesekut, në Bazilikën
e Asizit. Rasti për këtë ngjarje të pashembullt, njofton një komunikatë e Sallës së
Shtypit të Kuvendit të Shenjtë, ishte pritja që i bëri Papa, dje paradite, eprorit
të përgjithshëm të fretërve të vegjël konventualë, atë Marko Taska, shoqëruar nga
rojtari i Kuvendit të Shenjtë të Asizit, atë Mauro Gambeti, dhe nga drejtori i revistës
“Shën Françseku, Pajtor i Italisë”, atë Enco Fortunato.Gjatë takimit, njofton një
notë e Kuvendit, Atit të Shenjtë iu paraqit një numër i veçantë i revistës, botuar
nga fretërit e Asizit, kushtuar zgjedhjes së Papës Françesku. Eprori i përgjithshëm
njoftoi edhe se Papa do të shkojë në Asizi e se i dha një bekim të posaçëm gjithë
Urdhërit konventual, duke i kërkuar ta mbështesë me lutje.