Papa Françesku falënderon Presidentin e Shqipërisë për urimet
Presidenti i Shqipërisë, Bujar Nishani ka marrë një mesazh falënderimi nga Papa Françesku,
në përgjigje të urimit të presidentit shqiptar me rastin e zgjedhjes së Atit të Shenjtë
Bergoglio në krye të udhëheqjes së Kishës katolike universale, në selinë Apostolike
të Selisë së Shenjtë në Vatikan. Në letrën e tij Ati i Shenjtë Françesku shpreh besimin
e tij se marrëdhëniet mes Selisë së Shenjtë dhe Shqipërisë do të vazhdojnë të përparojnë
e të përforcohen. Në mesazhin drejtuar Presidentit të Shqipërisë Nishani, Papa
Françesku shkruan mes tjerash "Ju falënderoj për përshëndetjet e përzemërta që më
dërguat në emër të popullit shqiptar me rastin e zgjedhjes sime në Selinë e Pjetrit.
Kam besim të plot se marrëdhëniet mes Selisë së Shenjtë e Shqipërisë do të vazhdojnë
e të përforcohet edhe më tej, i lutëm Zotit për Ju e popullin tuaj duke kërkuar paqe,
begati e bekimin e Tij Hyjnore”.