Почувствував длабока согласност – изјави кардинал Анџело Бањаско, претседател на Италијанската
епископска конференција по средбата со папата Фрањо, кој покажа внимателност и голема
способност за слушање – додаде кардиналот.
Говорејќи за средбата - кардиналот
рече дека Папата, кој во љубов и заедништво претседава со Италијанската епископска
конференција, ја пофали нејзината работа: десетгодишната програма, црковните национални
средби, како и заложбата во образованието да се врати на неговиот исконски почеток,
односно навестување на Исус Христос, како повторно би се открило точното сфаќање за
човекот и човештвото, поттикнати од „антрополошките промени кои се во тек; не само
во европскиот контекст, туку и во Латинска Америка и целиот свет – рече кардиналот.
Папата
и кардинал Бањаско исто така разговараа за заложбите на Црквата во Италија за заштита
и промоција на вредностите за кои не може да се преговара, како и за односот со средствата
за информирање. Папата ги подржува напорите на италијанските епископи во поглед на
умереноста и потребата за структури кои нема да оптоваруваат, со цел да се избегне
непотребното расфрлање на средства. Папата препорача да не се множат канцеларии кои
на крајот стануваат само товар, а го истакна и фактот дека Црквата е жив организам,
а не канцелариска организација, на што некој сака да ја сведи. Папата потврди дека
ќе настапи на следното пленарно заседание на Италијанската епископска конференција
од 20-24 мај – истакна кардинал Бањаско.