ֆրանչիսկոս Քահանայապետը Ընդունելով Մատակասկարի Նախագահը Ողջունեց Երկրին Տարած Աշխատանքը
Դէպի Հանրավարութիւն։
Մատակասկարի նախագահ Ռախոլինա, 26 ապրիլին հանդիպում ունեցաւ ֆրանչիսկոս Քահանայապետի
ու անոր անմիջական գործակիցներուն հետ։ Սրբազան Քահանայապետը նախագահին նուիրեց Ս. Աթոռի ոսկիէ մետալները իսկ անոր կողակիցին` աւանդական վարդարանը։ Վատիկանի հրապարակած տեղեկագիրին մէջ կը կարդանք որ Ռախոլինա նախագահը եւ վատիկանեան իշխանութիւնները վերակոչեցին Մատակասկարի ջանքերը հանրավարութեան հաստատումին, երկրին բարգաւաճումին ու միջազգային կապերու զարգացումին ի խնդիր։ Տեղեկագիրը կ'ողջունէ նաեւ տեղական եկեղեցւոյ բերած նպաստը ազգային երկխօսութեան ու համերաշխութեան ի սպաս։
| All the contents on this site are copyrighted ©. |