Іерарх аб кватэры кардынала Берголіа ў Буэнас-Айрэсе
Мараніцкі Патрыярх
Антыёхіі, кардынал Бешара Бутрас Раі, падчас свайго пастырскага візіту ў Аргентыну,
атрымаў дазвол наведаць сядзібу арцыбіскупа Буэнас-Айрэса, у якой да нядаўняга часу
жыў цяперашні Папа. Іерарх падзяліўся сваімі ўражаннямі з агенцтвам “AsiaNews”. “У
працоўным пакоі за сталом знаходзіцца добра ўкамплетаваная бібліятэка. Няма тэлевізара,
няма кандыцыянера. У спальні няма ніякіх камфартовых рэчаў: стаіць просты ложак. Прыватная
капліца вельмі маленькая”, - так іерарх апісаў ўмовы, у якіх жыў Францішак. Кардынал
Раі распавёў, што ля ўваходу ў працоўны кабінет арцыбіскупа Буэнас-Айрэса знаходзіцца
фатаграфія св. Тэрэзы з Лізьё, на сцяне ў пакоі вісіць крыж, які кардынал Берголіа
цалаваў, уваходзячы сюды і выходзячы адсюль. На сцяне яшчэ бачны адбітак яго рукі,
які застаўся ад таго, што Святы Айцец нахіляўся, каб пацалаваць крыж, падзяліўся іерарх
і дадаў, што на полцы ў пакоі па ранейшаму стаіць фігура св. Францішка Асізскага.