Кардынал Скола: сведчанне не пагражае нічыім правам
Складаным, але прывабным
заданнем назваў кардынал Анджэла Скола хрысціянскае сведчанне ў палітычным жыцці.
На старонках “L’Osservatore Romano” арцыбіскуп Мілана падзяліўся сваімі разважаннямі
аб ролі хрысціян у гэтай сферы. Ён нагадаў, што Бэнэдыкт XVI гаварыў аб тэрміновай
неабходнасці ўдзелу вызнаўцаў Хрыста ў палітыцы і вырашэнні грамадскіх праблем. Гаворка
ідзе не толькі пра тое, каб бараніць уласную пазіцыю ад знешніх нападак, але ўключыць
у публічную дыскусію думкі патэнцыяльна падыходзячыя усім. У сувязі з гэтым кардынал
Скола звярнуў увагу на важнасць асабістага сведчання, якое павінны даваць хрысціяне,
каб зрабіць больш пераканаўчымі свае погляды. “Хрысціянства прэтэндуе на тое, каб
адказаць на чаканні і патрэбы ўсяго чалавека і ўсіх людзей, але ў якасці прапановы,
а не загаду”, - падкрэсліў іерарх.
Ён нагадаў таксама, што яшчэ ІІ Ватыканскі
Сабор падкрэсліваў важную ролю свецкіх вернікаў у жыцці грамадстваў. Паводле яго дакументаў,
хрысціяне павінны “асвячаць і ўпарадкоўваць усе зямныя рэчы, з якімі блізка звязаны”.
“Гэта не заклік да гегемоніі, але перш за ўсё да прызнання таго факту, што вера якая
перажываецца ўпоўні, неад’емна мае антрапалагічную, сацыяльную і касмалагічную актуальнасць,
а таксама прыводзіць да канкрэтных палітычных наступстваў. Калі ўласныя перакананні
сведчацца ў кожнай сферы чалавечага жыцця, уключаючы палітычнае і практычнае, яны
не пагражаюць нічыім правам”, - падкрэсліў кардынал Скола.