Kisha katolike në Shqipëri, 20 vjet pas vizitës së Gjon Pali II
Sot Kisha katolike shqiptare lidhet drejtpërdrejt me Selinë e Shenjtë, përmes Nunciaturës
Apostolike me Seli në Tiranë e nunc aktual, Imzot Ramiro Moliner Inglés. Ka Konferencën
Ipeshkvnore, me seli në Tiranë e president aktual, imzot Anxhelo Masafrën, kryipeshkëv
metropolit i Shkodër-Pultit, zëvendës- sekretar, imzot Rrok Mirditën, kryeipeshkëv
metropolit i Tiranë-Durrësit; Sekretar imzot Lucian Avgustini; anëtarë: Imzot Ottavio
Vitale, ipeshkëv i Lezhës; imzot Cristoforo Palmieri, ipeshkëv i Rrëshenit, Imzot
Hil Kabashi, administrator Apostolik i Shqipërisë së Jugut; imzot George Frendo, ipeshkëv–ndihmës
i kryedioqezës së Tiranë-Durrësit. Ka edhe Gjyqin ndërdioqezan, me kryetar imzot
Anxhelo Masafrën, vikar, atë Aurel Gjerkajn e shtatë anëtarë: gjyqtarë e noterë. Kujtojmë
edhe Komisionet kombëtare për Klerin dhe Jetën e kushtuar; Edukimin katolik e Doktrinën
e fesë, baritorinë e Rinisë dhe Thirrjet, Drejtësi dhe paqe e emigracion; Seminarin
ndërdioqezan, Komisionin liturgjik, Komisionin për kulturën dhe komunikimin shoqëror,
për ekumenizmin dhe dialogun ndërfetar, Komisionin katekistik, të baritorisë sociale,
të laikatit e familjes. Karitasi Shqiptar, pastaj, dhe Konferenca shqiptare e
eprorëve të lartë. Çdo dioqezë ka organizmat e veta, këshilla, komisione, institute.
Kryedioqeza e Shkodër-Pultit ka 22 priftërinj, 11 rregulltarë françeskanë,
7 jezuitë, 5 salezianë, 2 dehonianë, 2 orioninë, 1 misionar të Nënë Terezës, 3 vinçencianë,
2 salvadorianë dhe një ushtri të vërtetë murgeshash, përfaqësuese të 20 kongregatave
të ndryshme, që shërbejnë në 39 famulli dhe qendra baritore.
Dioqeza e Sapës
ka Këshillin e vet të Konsultorëve, Këshillin Presbiterial, 10 komisione, që përfshijnë
veprimtari nga më të ndryshmet, 14 priftërinj, 5 rregulltarë, murgesha nga 12 kongregata,
katër seminaristë, 27 famulli, 6 shoqata të krishtera.
Dioqeza e Lezhës
ka Kolegjin e vet të këshilltarëve, Këshillin presbiterial, 7 komisione dioqezane,
6 priftërinj, 15 rregulltarë. Kongregatat e rregulltareve janë 13, famullitë, 12,
shoqatat e krishtera laike, 3.
Dioqeza e Rrëshenit ka Kolegjin e Këshilltarëve,
Këshillin Presbiterial, Karitasin dioqezan, Këshillin zonal të Rregulltarëve dhe pesë
organizma të tjera ndihmëse, këshilla e zyra. Shërbimin baritor të besimtarëve e kryejnë
7 priftërinj e dy rregulltarë. Vijojnë seminarin dy kandidatë për meshtari. Shërbejnë
rregulltare të 8 kongregatave, të shpërndara në 12 famulli. Veprojnë pesë shoqata
të krishtera laike.
Kryedioqeza e Tiranë-Durrësit kryesohet nga Kuria
ipeshkvnore, me dy organe kolegjiale: Kolegjin e Këshilltarëve dhe Këshillin Presbiterial.
Ka 9 organe dioqezane, 10 priftërinj, 31 rregulltarë, murgesha të 24 kongregatave
rregulltare, 60 kisha, famulli, qendra baritore, 7 shoqata të krishtera laike.
Administratura
Apostolike e Shqipërisë së Jugut, drejtohet nga 6 organe kolegjiale dhe Komisione
dioqezane. Shumë e përhapur, në Berat ka Kishën katolike, në Elbasan ‘Kishën e Shën
Piut X’; Fier ‘Kishën katolike të Zojës së Papërlyer’; Korçë, Kishën katolike; Kuçovë,
kishën katolike ‘Zoja e Këshillit të Mirë’, Lushnjë, ‘Kishën katolike të Shën Pjetrit
dhe Shën Palit’, Orikum ‘Kishën katolike të Shën Marisë, Yll i detit’, Pogradec ‘Qendrën
e Shën Jozefit Punëtor’, Vlorë, ‘Kishën katolike’, ku ka selinë edhe Ipeshkvi, imzot
Hil Kabashi. Shërbejnë në administraturë një mori rregulltaresh të kongregatave të
ndryshme, shpërndarë në të katër anët e Shqipërisë së Jugut.
Së fundi kujtojmë
edhe Seminarin Ndërdioqezan Shqiptar “Nëna e Këshillit të Mirë” me Institutin
filozofiko-teologjik, ku përgatiten meshtarët e ardhshëm.