СДМ-2013: Ватыканская камісія з візітам у Бразіліі
Працоўная група з
Ватыкану ў мінулыя дні знаходзілася з візітам у Рыа-дэ-Жанейра, для ўдакладнення праграмы
ўдзелу папы Францішка ў Сусветных днях моладзі гэтым летам. Альбэрта Гасбары, адказны
за падрыхтоўку апостальскіх падарожжаў Святога Айца, даў добрую адзнаку і падзякаваў
усім, хто прымае ўдзел у падрытоўцы візіту. Ён адзначыў шчыльнае супрацоўніцтва паміж
касцёльнымі структурамі і бразільскімі дзяржаўнымі ўстановамі. Ватыканская дэлегацыя
наведала месцы, дзе пройдуць асноўныя мерапрыемствы ў рамках візіту Пантыфіка.
Як
паведамілі ў мясцовым арганізацыйным камітэце, адбылася сустрэча прадстаўнікоў Касцёла
з бразільскімі ўладамі розных узроўняў. Яна праходзіла за зачыненымі дзвярыма. Касцёльны
бок, апрача Альберта Гасбары, прадстаўлялі Апостальскі нунцый у Бразіліі, арцыбіскуп
Джавані д’Аньела і арцыбіскуп Рыа-дэ-Жанейра Арані Хоао Тэмпеста. Мэтай сустрэчы стала
перапрацоўка зацверджанай у канцы мінулага года праграмы візіту Пантыфіка, з улікам
пажаданняў папы Францішка. “Цэнтрам праграмы” застануцца “Бразілія, Рыа-дэ-Жанейра
і Сусветныя дні моладзі”,- падкрэсліў Гасбары. На сённяшні дзень пацверджаны ўдзел
Святога Айца ў сустрэчы з моладдзю у Капакабане; у Крыжовым шляху, вячэрнім вігілійным
чуванні і заключнай Эўхарыстыі. Літургію на адкрыццё Сусветных дзён моладзі будзе
цэлебраваць арцыбіскуп Тэмпеста, на ёй Папа прысутнічаць не будзе.
У форуме,
які пройдзе ў Рыа-дэ-Жанейра 23-28 ліпеня 2013 г., паводле арганізатараў, можа прыняць
удзел да 4 млн. чалавек. Іх колькасць, магчыма, вырасце ўлічваючы выбар ліцінаамерыканскага
іерарха на Пасад св. Пятра. Прыбыццё Святога Айца сюды папярэдне запланавана на 25
ліпеня.