Папа: абнаўленне Касцёла праз зварот да Евангелля і місіянерства
Папа Франішак атрымаў
запрашэнне наведаць італьянскі рэгіён Умбрыя і выразіў сваю зацікаўленасць ім. Аб
гэтым у інтэрв’ю Ватыканскаму радыё расказаў Біскуп Асізі Даменіка Сарэнціна, пасля
аўдыенцыі ў Святога Айца ў рамках візіта “Ad limina apostolorum”. 22 красавіка Пантыфік
прыняў іерархаў з гэтага цэнтральна-італьянскага рэгіёну. Біскуп Сарэнціна прызнаўся,
што сустрэча з Папам прайшла ў цёплай братэрскай атмасферы, а падчас яе абмяркоўваліся
многія душпастырскія праблемы. Іерарх падкрэсліў, што абранне Пантыфікам імя Францішак
з’яўляецца пасланнем і натхненнем, для Касцёла. Паводле яго, Папа жадае абнаўлення
Касцёла, якое адбудзецца праз радыкальны зварот да Евангелля і місіянерскую дзейнасць.
Пантыфік заклікаў умбрыйскіх іерархаў спрыяць таму, каб Касцёл не быў засяроджаны
толькі на самім сабе, але на Езусе Хрысе і абвяшчэнні Евангелля людзям не толькі на
сацыяльных, але і экзістэнцыяльных перыферыях, у якіх сэрца б’ецца ў пошуку Бога.