Նախագահ Սերժ Սարգսեան Նշանակած Է Նոր Մամլոյ Քարտուղար
ԵՐԵՒԱՆ, «Արմէնիա Նաու».- Հայաստանի նախագահ Սերժ Սարգսեան 17 Ապրիլին ստորագրած է հրամանագիր
մը, որով իր պաշտօնէն ազատ կացուցած է իր մամլոյ քարտուղար Արմէն Արզումանեանը։ Այլ
հրամանագիրով մը նախագահը Արման Սաղաթելեանը նշանակած է Արզումանեանի փոխարէն: 37ամեայ
Սաղաթելեանը 1997-1999 թուականներու ժամկէտային զինուորական ծառայութիւն կատարած է Հայաստանի
պաշտպանութեան նախարարութեան լրատուութեան եւ քարոզչութեան վարչութեան մէջ, իսկ 2000-2010
թուականներուն Հայաստանի պաշտպանութեան նախարարութեան համակարգին մէջ՝ որպէս քարոզչութեան
եւ հասարակութեան հետ կապերու քաղաքացիական մասնագէտ, «Զինուժ» հաղորդաշարի հաղորդավար: