19 Ապրիլ։ 8 Տարիներ առաջ Սուրբ Պետրոսի Աթոռին Վրայ Կը Բարձրանար Պենետիկտոս ԺԶ Վաստակաւոր Քահանայապետը։

19 ապրիլ 2005-ի երեկոյեան, 78 ամեայ կարտինալ Ժոզէֆ Րացինկեր, Հաւատոյ Ժողովի երբերմնի կառավարիչը եւ երջանկայիշատակ ՅՊԲ-ի մօտիկ աշխատակիցը, կ՛ընտրուէր Կաթողիկէ Եկեղեցւոյ 265 րդ Քահանայապետ։ Քահանայապետութեան 8րդ տարին չ՛ամբողջացուցած` անցեալ 28 փետրուարին, Րացինկեր Քահանայապետը, տարիքի բերումով, հրաժարեցաւ ''Պետրոսեան'' աթոռէն, անակնկալի մատնելով համայն աշխարհը։
8 տարիներ առաջ, 19 ապրիլ 2005-ի ժամը 18.43-ին Աւագ Սարկաւագ Կարտինալ` Եորկէ Մէտինա Էսթէվէսը, Սուրբ Պետրոսի պազիլիքայի կեդրոնական պատշգամէն, հրապարակը համախմբուած հաւատացեալներուն ու համայն աշխարհին կը յայտնէր նոր քահանայապետի անունը ''հապէմուս բաբամ'' բացագանչութեամբ'' ապա նորընտրեալ Պենետիկտոս ԺԶ-ը հետեւեալ խօսքերը կ՛արտասանէր. ''Սիրելի եղբայրներ ու քոյրեր, մեծն Յովհաննէս Պօղոս Բ սրբազան Քահանայապետէն ետք, կարտիալները ընտրեցին զիս, հեզ ու խոնարհ աշխատաւոր մը` Տիրոջ այգիին մէջ։ Այդ իրողութիւնը թէ Տէրը գիտէ ինչպէս աշխատիլ նոյնիսկ անբաւարար գործիքներու միջոցաւ, ինծի համար մխիթարանք է, արդ` ձեր աղօթքներուն կը յանձնուիմ Յարուցեալ Քրիստոսի ուրախութեան մէջ. Անոր մշտատեւ օգնութեան վստահելով։ Յառաջ ընթանանք, Տէրը մեզի կ՛օգնէ եւ Մարիամ` Անոր Սուրբ Մայրը մեր հետն է։ Շնորհակալութիւն։
Պենետիկտոս ԺԶ այս օրերուն տակաւին կը գտնուի Գասթել Կանտոլֆոյի Քահանայապետական ամարանոց, ուր կ՛ապրի աշխարհէն ծածուկ կեանք մը։