Մեսրոպեան վարժարանը Լիբանանի ճատրակի 2013-ի տարիքային անհատական ախոյանութեան մէջ արձանագրած
է մեծ յաջողութիւններ: 10 տարեկանէն վար աղջկանց դասակարգին մէջ մեսրոպեանական Նանօր
Առնելեան հանդիսացած է Լիբանանի ախոյեան, մինչ 12 տարեկանէն վար տղոց ախոյանութեան տիրացած
է Ճիօ Գալուստ: Մրցումին, Մեսրոպեան վարժարանէն նաեւ՝ մասնակցած էին Յակոբ Թերզեան, Յովսէփ
Գիրազեան եւ Կարօ Գալֆայեան: Այս յաջողութիւնը իրականացած է շնորհիւ աշակերտ-ծնողք-ուսուցիչ
գործակցութեան, բծախնդիր աշխատանքին եւ հետեւողական մօտեցումին: Մեծապէս գնահատելի է
նաեւ վարժարանի արտադասարանային խումբերու ճատրակի խումբի ուսուցիչ պրն.Էլի Հուլիշեանին
դերակատարութիւնը: