Միջին Արեւելքի Արեւելեան Ուղղափառ Եկեղեցիներու Մնայուն Յանձնախումբի Ժողով, Անթիլիասի
Մայրավանքին Մէջ ։
Անթիլիասի մայրավանքին մէջ, երեքշաբթի, 9 եւ չորեքշաբթի, 10 ապրիլին տեղի ունեցաւ Միջին
Արեւելքի արեւելեան ուղղափառ (ոչ-քաղկեդոնական) եկեղեցիներու հոգեւոր պետերու` ղպտի եկեղեցւոյ
պատրիարքին, ասորի եկեղեցւոյ Զաքքա Ա. պատրիարքի եւ Մեծի Տանն Կիլիկիոյ Արամ Ա. կաթողիկոսի
նշանակած մնայուն յանձնախումբի միօրեայ ժողովը, անոր մասնակցեցան մնայուն յանձնախումբի
անդամները` Պիշոյ արքեպիսկոպոս եւ Թովմաս արքեպիսկոպոս` ղպտի եկեղեցիէն, Ճորճ Սալիպա
արքեպիսկոպոս եւ Տանիէլ Քուրիէ արքեպիսկոպոս` ասորի եկեղեցիէն ու Նարեկ արք. Ալեէմեզեան
եւ Մասիս Ծ. վրդ. Զօպուեան` հայ եկեղեցիէն: Ժողովականները քննարկեցին իրենց եկեղեցիներուն
այլ եկեղեցիներու հետ ունեցած աստուածաբանական երկխօսութիւններն ու յարաբերութիւնները,
Եկեղեցիներու համաշխարհային խորհուրդին եւ Միջին Արեւելքի եկեղեցիներու խորհուրդին մէջ
իրենց մասնակցութիւնը, քրիստոնեայ-իսլամ երկխօսութեան առնչուած երեւոյթները եւ իրենց
եկեղեցիներու երեք հոգեւոր պետերու յաջորդ հանդիպումը: 10 Ապրիլի կէսօրին, ժողովականներ
Արամ Ա. վեհափառ հայրապետին ճաշի հիւրը եղան, ստացան վեհափառ հայրապետին օրհնութիւնն
ու յանձնարարութիւնները եւ ներկայացուցին իրենց ժողովին արդիւնքները: