„Триумфализам" и „постојаност" се клучните зборови од проповедта на папата Фрањо,
кој ова утро служеше света Литургија во капелата на домот Света Марта во Ватикан.
На литургијата присуствуваа одговорните и вработените на Ватиканската издавачка куќа,
која деновиве објави две книги на кардиналот Бергољо, како и зборник од првите изјави
на папата Фрањо.
Во проповед Папата се повика на литургиското читање од Делата
на светите Апостоли за говорот познат како „совет на Гамалиел". Делата апостолски
говорат: во Советот стана еден фарисеј по име Гамалиел, учител по Законот, почитуван
од целиот народ, и заповеда да ги изведат луѓето за кратко надвор; а откако претрпеа
понижување во името Господово ги пуштија (Дела 5,39-42). Тоа е „мудар совет и за нашиот
живот, бидејќи времето е Божји гласник", рече Папата.
„Бог нѐ спасува во времето,
а не во моментот. Понекогаш прави чуда, но во животот нѐ спасува во времето", нѐ спасува
во „историјата" и во „личната историја на секој од нас". Господ не се однесува „како
самовила со магично стапче", туку напротив: „дарува благодат и на сите ни изрекува
исцеление од Него: „Стани и оди". Тоа ни го вели и на нас: „Оди по твојот пат и сведочи
за она што Господ го прави за нас.“
Папата Фрањо говореше и за „едно големо
искушение" во животот на христијаните – „триумфализмот". „Апостолите на истиот начин
беа искушувани", истакна Папата. Како Петар кој вети свечено дека нема да се откаже
од својот Господ, така и народот, откако го виде чудесното умножување на лебовите.
„На Бог му е туѓ триумфализмот - рече Папата. Тој влегува во земниот живот понизно:
живее 30 години, расте како секое дете ги познава искушенијата на маката и на Крстот
и конечно воскреснува".
„Господ нѐ учи дека во животот не се прави ништо со
волшебно стапче и дека триумфализмот не е христијански знак". Животот на христијанинот
е нормален, но со Христа, секој ден: „Тоа е благодатта, за која треба да молиме: постојаност.
Да бидеме постојани следејќи го Господ, до крајот, ден по ден". „Нека Господ нè спаси
од фантазиите на триумфализмот", заврши Светиот Отец. Патот до Господа е секојдневно
да бидеме со Бог".