Навука можа стаць
сляпой і спрыяць насіллю, калі не будзе звязана з антрапалогіяй, падкрэсліў кардынал
Джанфранка Равазі. Папская рада па культуры, якую ён узначальвае, праводзіць у Рыме
другую Міжнародную канферэнцыю па дарослых ствалавых клетках. Сюды з’ехаліся выдатныя
тэолагі, навукоўцы, медыкі з розных краін, якія актыўна ўдзельнічаюць у дыскусіі аб
сувязі навукі і веры. Кардынал Равазі нагадаў аб неадпаведнасці выкарыстання эмбрыянальных
ствалавых клетак агульначалавечай культуры як культуры гуманізма. Тым больш, што дарослыя
ствалавыя клеткі і даследаванні на іх з’яўляюцца этычнай і маральна апраўданай альтэрнатывай
вышэйузгаданаму. Іерарх лічыць прарыў у даследваннях на дарослых ствалавых клетках
важным перш за ўсё для перспектывы лячэння цяжкіх захворванняў. Ён заклікаў навукоўцаў
не забывацца пра асноўны аб’ект навукі – чалавека і яго годнасці. “Саюз навукі з верай
– неабходны!”, - сцвердзіў кардынал Джанфранка Равазі.