Parandalimi i riciklimit të parave dhe transparenca financiare, impenjim i vazhdueshëm
i Selisë së Shenjtë
Selia e Shenjtë vazhdon dialogun e saj me Moneyval, Komitetin e Këshillit të Evropës,
që vlerëson masat kundër riciklimit të parave dhe financimit të terrorizmit. Të martën,
Komiteti vendosi që “Report Progess” i ardhshëm i Selisë së Shenjtë dhe i Qytet-Shtetit
të Vatikanit të paraqitet në dhjetor të këtij viti. Përveç kësaj, Komiteti ka pranuar
propozimin e Selisë së Shenjtë, që ky raport të mos përfshijë vetëm përgjigjet ndaj
rekomandimeve kryesore, por të gjitha fushat e parashikuara. Kështu, Vatikani, me
iniciativën e vet, do të paraqesë masat e marra gjatë vitit të fundit për të forcuar
legjislacionin në këtë fushë.