Սրբազան Քահանայապետին Ցաւակցական Հեռագիրը։ Չորեքշաբթի 10 ապրիլի առաւօտեան,
Սուրբ Աթոռի Հոգաբարձութեան երբեմնի նախագահ 90-ամեայ Կարտինալ Լորէնցօ Անթոնէթթին իր
մահկանացուն կնքեց ։ Յուղարկաւորութեան արարողութիւնը տեղի կ՛ունենայ ուրբաթ 12 ապրիլին
իր ծննդավայրի` Նովարայի Թեմի ''Րոմանիա Սէզիա'' եկեղեցւոյ մէջ։ Կարտինալ Լորէնցօ
Անթոնէթթիի մահով կարտինալական դասի թիւը 205- է, որոնցմէ 113-ը Քահանայապետ ընտրող կարտինալ
եւ 92 -ը ոչ ընտրող։ Ի լուր Կարտինալ Անթոնէթթիի մահուան, ֆրանչիսկոս Սրբազան Քահանայապետը
ցաւակցական հեռագիր մը յղած է Նովարայի Եպիսկոպոսին որուն մէջ յայտնած է իր ցաւը ու յիշած`
հանգուցեալին նուիրական աշխատանքը, Սուրբ Աթոռի դիւանագիտական մարզէն ներս ու անոր աւետարանական
վկայութեան օրինակելի կենցաղը։ Նորին Սրբութիւնը ապա ապահովելով իր աղօթքները ննջեցեալին
ընտանեկան պարագներուն ու ծանօթներուն տուած էր իր առաքեալական օրհնութիւնը։