ՀՀ Նախագահի Երդմնակալութեան Արարողութեան, Զմմառու Պատրիարքական Կղերի Միաբանութեան Կողմէ Ներկայ Եղաւ Գեր. Հ. Բարսեղ Վրդ. Պաղտասարեան ՄիաբանութեանԸնդհանուր Մատակարար և Տեսուչ :

Երեքշաբթի 9 Ապրիլին, Երեւանի Մարզահամերգային Համալիրին մէջ տեղի ունեցաւ ՀՀ վերընտրուած Նախագահ Սերժ Ազատի Սարգսեանի Երդմնակալութեան Արարողութիւնը:
Ներկայ էին ՀՀ նախկին Նախագահ Ռոպերդ Քոչարեան, Լեռնային Ղարաբաղի Նախագահը Բակօ Սահակեան, տարբեր երկիրներէ ժամանած բարձրաստիճան հիւրեր, Սփիւռքահայ բազմաթիւ կազմակերպութիւններու ներկայացուցիչներ: Հայկական Եռագոյնը կը ծածանէր ամենուրէք և շեփորախումբը կը հնչեցնէր Հայաստանի Հիմնը:
Նախագահի պաշտօնի ստանձման արարողակարգին, որ Աստուծոյ օրհնութիւնը ստանալու ծիսակարգ մըն էր ժամանակին, մասնակցեցաւ նաեւ Էջմիածնի Վեհափառ Հայրապետը, որ իր խօսքի աւարտին հրաւիրեց ներկաները յոտնկայս «Հայր մեր»ը աղօթելու, ապա իր ձեռքը դնելով Նախագահին գլխուն վրայ Պահպանիչով փակեց իր խօսքը: Նախագահը իր հերթին երդուեցաւ Վեհամօր Աւետարանին և ՀՀ Սահմանադրութեան մայր օրինակին վրայ Հայաստանի Նախագահի պարտականութիւնները հաւատարմօրէն կատարել:
Այս առթիւ՝ Զմմառու Պատրիարքական Կղերի Միաբանութիւնը ներկայացուց Ընդհանուր Մատակարար և զոյգ Դպրեվանքներու Տեսուչ՝ Գեր. Հ. Բարսեղ Վրդ. Պաղտասարեան:
Ապա Հայաստանի Նախագահը այցելեց Եռաբլուր Պանթէոնը, ուր իր յարգանքի տուրքը մատուցեց Արցախի մարտիկներուն և ծաղկեփունջ զետեղեց Զօր. Անդրանիկի և բոլոր հերոսներու շիրմին վրայ:

Հետեւեք

html .fb_share_button { display: -moz-inline-block; display:inline-block; padding:1px 10px 0 5px; height:15px; background:url(http://static.ak.facebook.com/images/share/facebook_share_icon.gif?6:26981) no-repeat top right; }