Пратэстанцкі лідэр пра “надзвычай братэрскую” сустрэчу з Папам
“Гэта была сустрэча
надзвычай братэрская, - пракаментаваў старшыня Рады Евангелічна-Лютэранскай Царквы
Германіі Нікалаус Шнайдэр сваю ўчарашнюю аўдыенцыю ў папы Францішка - са шчырым абменам
уражаннямі, ад сэрца да сэрца”, - дадаў ён. Пратэстанцкі лідэр правёў пасля спаткання
са Святым Айцом спецыяльную прэс-канферэнцыю. Ён спаслаўся на словы Пантыфіка, які
лічыць важным, каб усе Цэрквы сведчылі разам агульную веру ў Хрыста і былі сканцэнтраваны
вакол Крыжа Езуса. Гэта была першая магчымасць, каб пазнаёміцца, - сказаў Шнайдер
- не было прадугледжана ніякай дыскусіі, звязанай з экуменічнымі пытаннямі.
Старшыня
Рады Евангелічна-Лютэранскай Царквы Германіі патлумачыў сваё запрашэнне ў бок Пантыфіка
паўдзельнічаць у святкаваннях 500-годдзя Рэфармацыі. Паводле Шнайдэра, гэта не будзе
ўрачыстасць выключна ўнутрынямецкая або пратэстанцкая; гэта святкаванне з’яўляецца
магчымасцю “цэлебрацыі” навяртання да цэнтральнай ролі Евангелля, таму датычыць усіх
хрысціян, лічыць ён.
8 красавіка пратэстанцкі лідэр правёў таксама сустрэчы
з прэфектам Кангрэгацыі Веравучэння, арцыбіскупам Герхардам Людвігам Мюлерам, і старшынёй
Папскай рады спрыяння хрысціянскаму адзінству, кардыналам Куртам Кохам.