Першае за апошнія 35 гадоў благаслаўленне з лоджыі базылікі св. Яна на Латэране
Першы раз за апошнія
35 гадоў Рымскі Пантыфік благаславіў вернікаў з цэнтральнай лоджыі базылікі св. Яна
на Латэране. Гэта адбылося вечарам 7 красавіка, на заканчэнне інгрэса папы Францішка
на рымскую кафедру. Апошні раз адсюль звяртаўся да вернікаў бл. Ян Павел ІІ, 12 лістапада
1978 г. – у дзень калі адбыўся яго інгрэс у катэдральны касцёл Рыма. З таго часу,
Папы ўдзялялі благаслаўленне толькі з балкона цэнтральнай лоджыі базылікі св. Пятра.Вітаючы
тысячы радасных пілігрымаў, сабраных перад базылікай св. Яна, папа Францішак звярнуўся
да іх з кароткай, імправізаванай прамовай. “Браты і сёстры, добры вечар! Я шчыра дзякую
вам за прысутнасць на сённяшняй св. Імшы. Вялікі дзякуй! Прашу вас маліцца за мяне,
таму што я гэтага патрабую. Не забывайце пра гэта! Дзякуй усім вам. Ідзем усе разам:
народ і біскуп, ідзем наперад у радасці ўваскрослага Езуса. Ён заўсёды побач з намі”,
- сказаў Святы Айцец.
На развітанне з вернікамі Францішак удзяліў ім сваё апостальскае
благаслаўленне.