Papa Françesku përshëndeti besimtarët nga Lozha e Bazilikës Lateranense
Pas Meshës solemne për marrjen në dorëzim të Bazilikës së Shën Gjonit në Lateran,
si ipeshkëv i Romës, Papa Françesku doli në Lozhën e kishës katedrale dhe përshëndeti
mijëra besimtarët, që ndodheshin jashtë e që e brohoritën e duartrokitën vazhdimisht.
Përshëndetja e tij, jashtë programit, qe një gjest i improvizuar për të treguar dashurinë
e përzemërsinë e Atit të Shenjtë për romakët. Por ja fjalët e Papës: « Vëllezër
e motra, mirëmbrëma! Ju falenderoj shumë për shoqërinë tuaj në Meshën e
sotme. Faleminderit nga zemra! Ju kërkoj të luteni për mua, sepse kam nevojë, mos
e harroni këtë. Faleminderit të gjithëve! E le të ecim përpara të gjithë së bashku,
populli e ipeshkvi, të gjithë së bashku, gjithmonë përpara me gëzimin e Ringjalljes
së Jezusit. Ai është gjithnjë pranë nesh. Zoti ju bekoftë Shumë
faleminderit! Shihemi së shpejti! »