ֆրանչիսկոս Սրբազան Քահանայապետին Հռոմի Թեմի Ստանձման Արարողութեան Յայտագիրը։

Կիրակի 7 Ապրիլի յետ միջօրէին ժամը 5.00 ին Սրբազան Հայրը կը ժամանէ Լատերանեան Սուրբ Յովհաննէսի Պազիլիքայ ուր զինք կը դիմաւորեն` Հռոմի Թեմի տեղապահ Արքեպիսկոպոս` Կարտինալ Ակոսդինօ Վալլինին եւ Հռոմի քաղաքապետ` Ճիովաննի Ալէմաննոն։
Նորին Սրբութիւնը բացումը կը կատարէ Երանելի ՅՊԲ անունը կրող ''մարմարեայ անուանատախտակ'' ի բացումը։ Արդարեւ Սուրբ Յովհաննէսի Պազիլիքայի դիմաց գտնուող ''Լատերանեան Սուրբ Յովհաննէս'' հրապարակը այսօրուընէ սկսեալ պիտի կրէ երանելի Յովհաննէս Պօղոս Բ - Քահանայապետ 1978-2005'' անունը
Հակիրճ արարողութեան աւարտին ֆրանչիսկոս Սրբազան Քահանայապետը Սուրբ Յովհաննէսի պազիլիքայի մէջ կը գրլխաւորէ ''Հռոմի եպիսկոպոսի գահակալութեան'' սուրբ Պատարագը որուն աւարտին ապա կը վերադառնայ` Վատիկան։