Գերերջանիկ Թաուատրոս Բ Փափաք Յայտնած է Հանդիպում Ունենալու ֆրանչիսկոս Քահանայապետին
Հետ։
Գերերջանիկ Թաուատրոս Բ` օրթոտոքս ղպտիներու պատրիարքը, երեք ապրիլին պատրիարքարանին
մէջ ընդունելով Վատիկանի առաքելական դեսպանը` գերապայծառ Ժան Փոլ Կոպէլ, հաստատած է իր
կամքը աւելի սերտացնելու իր եկեղեցւոյ կապերը կաթողիկէ եկեղեցւոյ հետ։ Ան փափաք յայտնած
է նաեւ հանդիպում ունենալու ֆրանչիսկոս Պապին հետ։ Յայտնենք որ Շանուտա Գ պատրիարքը
1973-ին հանդիպում ունեցաւ Պօղոս Զ Քահանայապետին հետ եւ այդ թուականէն սկսեալ երկու
եկեղեցիներու միջեւ երկխօսութիւնը եւ համագործակցութիւնը աւելի զարգացաւ։ Եգիպտոսի
օրթոտոքս ղպտիները կը հաշուեն շուրջ 10 միլիոն հաւատացեալներ, անոնք կը ներկայացնեն արաբական
աշխարհին մեծագոյն համայնքը։