Папа, будучы кардыналам, абараняў правы маці-адзіночак
Кардынал Хорхе Марыа
Берголіа быў абаронцам правоў дзяцей і маці-адзіночак, адзначыла Вольга Муньас, журналіст
і старшыня Аргентынскай асацыяцыі абаронцаў ненароджаных дзяцей і сям’і “FAMPAZ”.
Ён шмат зрабіў для абароны жыцця і заўсёды вымагаў ад іншых міласэрнасці да маці-адзіночак;
прасіў не вінаваціць іх і не паказваць пальцам, а сведчыць спагаду і несці дапамогу,
паведаміла актывістка. Муньас падкрэсліла, што будучы арцыбіскупам Буэнас-Айрэса цяперашні
Папа быў вельмі занепакоены “злоўжываннямі ў дачыненні да дзяцей” і прасіў супрацоўніцтва
ў гэтым пытанні. На сустрэчы з групай замежных інвестараў ён крытыкаваў сітуацыю,
калі людзі, што ездзяць “апошнімі мадэлямі аўтамабіляў”, выкарыстоўвалі дзяцей, якія
“не мелі нават дзевяці гадоў”.
Муньас сустрэла аднойчы кардынала Берголіа падчас
паездкі ў грамадскім транспарце, а таксама ў паштовым аддзяленні. “Мне трэба сёе-тое
тут зрабіць”, - сказаў ён. Пачуўшы іх размову, нейкая дама вырашыла саступіць яму
сваё месца. “Не, не, вы больш стомленыя пасля таго, як выканаўшы дамашнія абавязкі,
едзеце на працу”, - сказаў будучы Папа.