2013-ի Աւագ Ուրբաթ
օրուայ ճանապարհ խաչի 14 կայաններու խորհրդածութիւնները պատրաստուած են լիբանանցի քրիստոնեայ
երիտասարդներու կողմէ, առաջնորդութեամբ` մարունիներու պատրիարք կարտինալ Ռայիին։ Խորհրդածութիւնները
ներշնչուած են Արեւելեան եկեղեցիներու ծէսերէն ու սուրբերու ուսուցումէն։ Խորհրդածութիւնները
պիտի կարդացուին մարտ 29-ին` Աւագ Ուրբաթ օրը, Հռոմի ''Գոլոսսէումի'' ամփիթատրոնին մէջ,
ճանապարհ խաչի աղօթքին ընթացքին, որ պիտի նախագահէ ֆրանչիսկոս Քահանայապետը։ Ամէն
մէկ կայանը պատկերազարդարուած է պաղեստինցի ֆրանչիսկեան կրօնաւորի մը կողմէ։ Խորհրդածութիւնները
բնականաբար ներշնչուած են Պենետիկտոս ԺԶ Քահանայապետի ''Միջին Արեւելքի Եկեղեցին'' յորդորագիրէն։
Ներածականին մէջ կը կարդանք. ''Յիսուս Քրիստոսի հետեւելու կանչը ուղղուած է բոլորին
եւ մասնաւորապէս Միջին Արեւելքի նոր սերունդին եւ բոլոր անոնց որոնք հալածուած են ու
զոհ բազմապիսի անարդարութիւններուն։