Sot, në Sallën e Shtypit të Selisë së Shenjtë u mbajt një konferencë me gazetarët,
gjatë së cilës u paraqit dokumentari “Papa Françesku”, realizuar nga Qendra Televizive
e Vatikanit. Përmbledh ngjarjet që nga dorëheqja e Papës Benedikti XVI, deri në takimin
e jashtëzakonshëm, të pashembullt, historik, të dy papëve. Është fjala për takimin
e Papës Françesku me Papën Benedikti të shtunën e kaluar, në Kastel Gandolfo. Folën,
me këtë rast, imzot Klaudio Maria Çeli, Kryetar i Këshillit Papnor të Komunikimeve
Shoqërore dhe disa autoritete të tjera të njohura kishtare e civile të mjeteve të
komunikimit.