Славуты аргентынскі
футбаліст, чэмпіён свету, Хавіер Санэцці заявіў аб тым, што ганарыцца Папам-суайчыннікам.
У інтэрв’ю Ватыканскаму радыё ён расказаў, што абранне аргентынца па Пасад св. Пятра
– для яго вялікі сюрпрыз. “Мець Папу-суайчынніка, з нашай краіны, безумоўна – вялікі
гонар для нас”,- прызнаўся футбаліст. Ён лічыць, што сціпласць Папы, які так шмат
дапамагаў бедным у Аргентыне, з’яўляецца вялікім знакам для ўсяго свету. Акрамя таго,
Хавіер Санэцці адзначыў, што аргентынцы – пабожны народ, вельмі вераць ў Бога, што
з’яўляецца іх нацыянальнай рысай.
Паводле чэмпіёна свету па футболе, вера
вельмі дапамагае чалавеку, які займаецца спортам. “Я думаю, што яна дапамагае не толькі
ў спорце, але ва ўсім. Таму вельмі важна быць веруючым”, - лічыць Санэцці. Па яго
словах, кожны чалавек, які мае ў сабе веру, здольны зрабіць шмат рэчаў, якія могуць
здавацца немагчымымі.
Хавіер Адэльмар Санэцці, які нарадзіўся у Буэнас-Айрэсе,
з’яўляецца легендай і капітанам італьянскага клуба “Інтэр”. Ён правёў за нацыянальную
зборную Аргентыны больш за 150 матчаў, што з’яўляецца рэкордам для аргентынскага
футбола. Санэцці разам са сваёй жонкай заснаваў у Аргентыне асацыяцыю, якая фінансава
дапамагае бедным дзецям і іх сем’ям.